அதிர்ச்சி.. பிரபல முன்னாள் இந்திய ஹாக்கி வீரர் மரணம்!!

1970களில் இந்திய ஹாக்கி அணியின் மறக்கமுடியாத வெற்றிகளில் ஒரு அங்கமாக இருந்த ஒலிம்பிக் மற்றும் உலகக் கோப்பைப் பதக்கம் வென்ற அணியில் இடம் பெற்றிருந்த முன்னாள் ஹாக்கி வீரர் வரீந்தர் சிங் இன்று காலை ஜலந்தரில் காலமானார். அவருக்கு வயது 75.

வரீந்தர் சிங்கின் மறைவுக்கு ஹாக்கி இந்தியா இரங்கல் தெரிவித்து, "வரீந்திர சிங்கின் சாதனைகள் உலகெங்கிலும் உள்ள ஹாக்கி சகோதரர்களால் நினைவுகூரப்படும்" என்று தனது அறிக்கையில் தெரிவித்துள்ளது.

கோலாலம்பூரில் 1975 ஆடவர் ஹாக்கி உலகக் கோப்பையில் தங்கப் பதக்கம் வென்ற இந்திய அணியில் வரீந்தர் இடம்பெற்றார். இறுதிப் போட்டியில் பரம எதிரியான பாகிஸ்தானை 2-1 என்ற கோல் கணக்கில் வீழ்த்தி இந்தியாகோப்பையை வென்றது. மேலும் இந்தியா ஹாக்கி உலகக்கோப்பையை 1975இல் மட்டுமே வென்றுள்ளது குறிப்பிடத்தக்கது.

வரீந்தர் சிங் 1972 ஆம் ஆண்டு மியூனிக் ஒலிம்பிக்கில் வெண்கலப் பதக்கம் வென்ற இந்திய அணியிலும், 1973 ஆம் ஆண்டு ஆம்ஸ்டர்டாமில் நடந்த உலகக் கோப்பையில் வெள்ளிப் பதக்கம் வென்ற அணியிலும் இடம் பெற்றிருந்தார்.

அவர் முறையே 1974 மற்றும் 1978 ஆசிய விளையாட்டுப் போட்டிகளில் வெள்ளிப் பதக்கம் பெற்ற அணியிலும், 1975 மாண்ட்ரீல் ஒலிம்பிக் போட்டியில் பங்கேற்ற இந்திய அணியிலும் இடம் பெற்றிருந்தார்.

2007 இல், வரீந்தருக்கு மதிப்புமிக்க தியான் சந்த் வாழ்நாள் சாதனையாளர் விருது வழங்கி கவுரவிக்கப்பட்டது.