ரூசோ அதிரடியால் வெற்றி பெற்ற டெல்லி.. லிவிங்ஸ்டன் போராட்டத்தை வீணடித்த பஞ்சாப்.. | IPL 2023: PBKS vs DC Highlights

தரம்சாலாவில் நேற்று நடைபெற்ற 64வது லீக் ஆட்டத்தில் டெல்லி கேப்பிட்டல்ஸ் அணியை பஞ்சாப் கிங்ஸ் அணி எதிர்க்கொண்டது. இந்த போட்டியில் டாஸ் வென்ற பஞ்சாப் அணி கேப்டன் ஷிகர் தவான் முதலில் பந்துவீச்சை தேர்வு செய்தார். அதன்படி,  டெல்லி கேப்பிட்டல்ஸ் அணியின், ப்ரித்வி ஷா - டேவிட் வார்னர் தொடக்க வீரர்களாக களமிறங்கினர். ஏற்கனவே தொடரில் இருந்து வெளியேறிவிட்டதால் டெல்லி அணி எவ்வித அழுத்தமும் இல்லாமல் தனது பேட்டிங்கை தொடங்கியது.

ஆரம்பத்திலேயே அதிரடி காட்டிய வார்னர் 46 (31) ரன்களிலும், ப்ரித்வி ஷா 54(38) ரன்களிலும் ஆட்டமிழக்க, அவர்களை தொடர்ந்து ஒண்டவுன் இறங்கிய ரூசோ பஞ்சாப் பந்துகளை பவண்டரி, சிக்சர்களாக பறக்கவிட்டதால்கடைசி வரை களத்தில் நின்ற ரூசோ, 37 பந்துகளில் 6 பவுண்டரி 6 சிக்சர் உள்பட 82 ரன்கள் குவித்தார். அவருக்கு பக்கபலமாக பில் சால்ட் 26 ரன்களுடன் ஆட்டமிழக்காமல் இருந்தார். இதன் மூலம் டெல்லி அணி நிர்ணையிக்கப்பட்ட 20 ஓவர்களில் 2 விக்கெட் இழப்பிற்கு 213 ரன்கள் குவித்தது. 

தொடர்ந்து 214 ரன்கள் வெற்றி இலக்குடன் களமிறங்கிய பஞ்சாப் அணிக்கு ஷிகர் தவான் தான் சந்தித்த முதல் பந்திலேயே ஆட்டமிழந்து அதிர்ச்சி தொடக்கம் கொடுத்தார். கடந்த போட்டியில் செஞ்சுரி விளாசிய பிரப்சிம்ரன் சிங், இம்முறை 22 ரன்களோடு நடையைக் கட்டினார். எனினும், அதர்வா தைடே மற்றும் லிவிங்ஸ்டோன் இணைந்து பொறுப்பான ஆட்டத்தை வெளிப்படுத்தினர். இதனால், பஞ்சாப் வெற்றியை நோக்கி நகர்ந்தது. 

அதர்வா தைடே, அரைசதம் கடந்து 55 ரன்கள் எடுத்த நிலையில் காயம் காரணமாக வெளியேற, லிவிங்ஸ்டோன் 94 மட்டும் அணியை காப்பாற்ற தனியாளாக போராடினார். அவருக்கு கைகொடுக்க மற்ற வீரர்கள் தவறியதால், 20 ஓவர்களில் 8 விக்கெட் இழப்புக்கு 198 ரன்கள் மட்டுமே பஞ்சாப் எடுத்தது. இதன்மூலம் டெல்லி கேப்பிட்டல்ஸ் 15 ரன்கள் வித்தியாசத்தில் வெற்றிபெற்றது. இந்த தோல்வியின் மூலம் பிளே ஆஃப் ரேஸில் இருந்து வெளியேறியுள்ளது.