இந்தியா மற்றும் ஆஸ்திரேலியா அணிகள் மோதும் ஒருநாள் தொடர் குறித்த முழு விவரங்கள்..!! ஒரு பார்வை..!! | ind vs aus odi 2023 schedule

உலகக்கோப்பை தொடருக்கு ஒரு முன்னோட்டமாக இந்தியா மற்றும் ஆஸ்திரேலியா அணிகள் 3 ஒருநாள்  போட்டிகள் கொண்ட தொடரில் விளையாட உள்ள நிலையில், இந்த தொடர் குறித்த முக்கிய விவரங்களை காண்போம்.

இந்தியா மற்றும் ஆஸ்திரேலியா அணிகள் 4 டெஸ்ட் போட்டிகள் கொண்ட தொடரில் விளையாடி முடித்த நிலையில், அடுத்து இரு அணிகளும் 3 ஒருநாள் போட்டிகள் கொண்ட தொடரில் பலபரிச்சை மேற்கொள்ள உள்ளார்கள். இந்திய மண்ணில் இந்த ஆண்டு இறுதியில் ஒருநாள் உலககோப்பை தொடர் நடைபெற உள்ள நிலையில் அனைத்து அணிகளும் ஒரு நாள் உலக கோப்பை தொடருக்கான பயிற்சி மற்றும் வீரர்கள் தேர்வு உள்ளிட்ட ஆயத்த பணிகளில் ஈடுபட்டு வருகிறார்கள்.   

இந்நிலையில் இந்தியா மற்றும் ஆஸ்திரேலியா அணிகள் மோத உள்ள ஒரு நாள் போட்டிகள் குறித்த விவரங்கள் : 

 இந்த ஒருநாள் தொடரில் இந்திய அணியில் இடம்பெற்ற முன்னணி பேட்ஸ்மேன் ஸ்ரேயாஸ் ஐயர் முதுகு பகுதியில் ஏற்பட்டுள்ள காயம் காரணமாக மருத்துவ பரிசோதனையில் இருப்பதால், தொடரில் பங்கேற்பது மிகுந்த சந்தேகத்தில் உள்ளது. மேலும் உலக கோப்பை தொடரின் பயிற்சி ஆட்டமாக இந்த தொடர் அமைய உள்ள நிலையில் இந்திய அணி கட்டாயம் வெல்லும் முனைப்பில் உள்ளது என்பது குறிப்பிடத்தக்கது . ஒருநாள் தொடரில்  உலகின் நம்பர் 1 அணியாக விளங்கும் இந்திய அணி சிறப்பான ஆட்டத்தை வெளிப்படுத்தும் என்று மிகவும் எதிர்பார்க்கப்படுகிறது. 

ஆஸ்திரேலியா அணியை பொறுத்தவரை கேப்டன் பேட் கம்மின்ஸ் இந்த தொடரில் இருந்து முழுமையாக விலகியுள்ள நிலையில், ஸ்டீவ் ஸ்மித்  கேப்டனாக இந்த ஒருநாள் தொடரில் செயல்பட உள்ளார். இதனை அடுத்து ஆஸ்திரேலியா அணியின்  முன்னணி வீரர்கள் டேவிட் வார்னர், கிளென் மாக்ஸ்வெல் மற்றும் மிட்செல் மார்ஷ் ஆகியோர் காயத்தில் இருந்து மீண்டு ஒரு நாள் தொடரில் பங்கேற்க உள்ளதால் அணிக்கு மிகுந்த பலமாக அமைந்துள்ளது என்பது குறிப்பிடத்தக்கது.       

இந்திய ஒருநாள் அணி : ரோஹித் சர்மா (கேப்டன்), ஹர்திக் பாண்டியா(துணை கேப்டன்), யுஸ்வேந்திர சாஹல், இஷான் கிஷன், ரவீந்திர ஜடேஜா, விராட் கோலி, குல்தீப் யாதவ், முகமது ஷமி, முகமது சிராஜ், அக்சர் படேல், கே.எல். ராகுல், ஷுப்மான் கில், ஷர்துல் தாக்கூர், உம்ரான் மாலிக், வாஷிங்டோனட்கட் , சூர்யகுமார் யாதவ்.

ஆஸ்திரேலியா ஒருநாள் அணி : ஸ்டீவ் ஸ்மித் (கேப்டன்) , டேவிட் வார்னர், சீன் அபோட், ஆஷ்டன் அகர், அலெக்ஸ் கேரி, கேமரூன் கிரீன், டிராவிஸ் ஹெட், ஜோஷ் இங்கிலீஷ், மார்னஸ் லாபுஷாக்னே, மிட்செல் மார்ஷ், கிளென் மேக்ஸ்வெல், ஜே ரிச்சர்ட்சன், மிட்செல் ஸ்டார்க், மார்கஸ் ஸ்டோனிஸ், ஆடம் ஜாம்பா.