263 ரன்கள் ஆட்டம் இழந்த ஆஸ்திரேலிய அணி; 3 விக்கெட்டுகளை இழந்து தடுமாறும் இங்கிலாந்து... நல்லா ஆஷஸ் தொடர் போங்க...

ஆஷஸ் தொடரின் மூன்றாவது போட்டியின் முதல் இன்னிங்ஸில்  ஆஸ்திரேலிய அணி 263 ரன்களுக்கு அனைத்து விக்கெட்டுகளையும் இழந்தது.

ஐந்து போட்டிகள் ஆஷஸ் தொடரில் விளையாடுவதற்காக  ஆஸ்திரேலியா அணி இங்கிலாந்தில் சுற்றுப்பயணம் கொண்டுள்ளது. இதில் முதல் இரண்டு டெஸ்ட் போட்டிகளிலும்  ஆஸ்திரேலியா வெற்றி வாகை சூடியது. இதனால் அடுத்தடுத்த போட்டிகளில் வெற்றி பெறவேண்டிய கட்டாயத்திற்கு  இங்கிலாந்து அணி தள்ளப்பட்டுள்ளது.

இந்நிலையில் ஆஷஸ் டெஸ்ட் தொடரின்  மூன்றாவது போட்டி நேற்று லீட்சில் உள்ள ஹெட்டிங்லேயில் தொடங்கியது. டாஸ் வென்ற இங்கிலாந்து அணி பந்துவீச்சை தேர்வு செய்தது. அதன்படி, ஆஸ்திரேலியா அணி முதலில் பேட்டிங் செய்தது. அந்த அணியில் தொடக்க வீரர்களாக டேவிட் வார்னர், கவாஜா களமிறங்கினர். டேவிட் வார்னர் 4 ரன்னில் ஆட்டமிழந்தார். கவாஜா 13 ரன்னில் அவுட் ஆனார்.

அடுத்து வந்த லபுசென் 21 ரன்னிலும், ஸ்மித் 22 ரன்னிலும் ஆட்டமிழந்தனர். உணவு இடைவேளை வரை ஆஸ்திரேலிய அணி 4 விக்கெட்டுகளை இழந்தது. 5-வது விக்கெட்டுக்கு இணைந்த டிராவிஸ் ஹெட், மிட்செல் மார்ஷ் ஜோடி நிதானமாக ஆடி 155 ரன்களை சேர்த்தது. மார்ஷ் சதமடித்தார். தேநீர் இடைவேளைக்கு பிறகு மிட்செல் மார்ஷ் 118 ரன்னில் வெளியேறினார்.

அவரை தொடர்ந்து டிராவிஸ் ஹெட் 39 ரன்னில் அவுட்டானார். அடுத்து வந்த வீரர்கள் விரைவில் ஆட்டமிழந்தனர். இறுதியில், ஆஸ்திரேலியா அணி முதல் இன்னிங்சில் 263 ரன்களுக்கு ஆல் அவுட்டானது. இங்கிலாந்து தரப்பில் மார்க் வுட் 5 விக்கெட்டும், கிறிஸ் வோக்ஸ் 3 விக்கெட்டும், பிராட் 2 விக்கெட்டும் வீழ்த்தினர்.

19 ஓவர்கள் வீசப்பட்ட நிலையில் முதல் நாள் ஆட்டநேர முடிவில் இங்கிலாந்து அணி 3 விக்கெட்டுகள் இழப்புக்கு 68 ரன்கள் எடுத்துள்ளது. அந்த அணி 195 ரன்கள் பின்தங்கியுள்ளது. ஜோ ரூட் 19 ரன்னுடனும் ஜானி பேர்ஸ்டோவ் 1 ரன்னுடனும் களத்தில் உள்ளனர். இந்த நிலையில் இன்று இரண்டாம் நாள் ஆட்டம் நடைபெற உள்ளது.

ஆஷஸ் தொடரின் மூன்றாவது போட்டியின் முதல் இன்னிங்ஸில்  ஆஸ்திரேலிய அணி 263 ரன்களுக்கு அனைத்து விக்கெட்டுகளையும் இழந்தது.

ஐந்து போட்டிகள் ஆஷஸ் தொடரில் விளையாடுவதற்காக  ஆஸ்திரேலியா அணி இங்கிலாந்தில் சுற்றுப்பயணம் கொண்டுள்ளது. இதில் முதல் இரண்டு டெஸ்ட் போட்டிகளிலும்  ஆஸ்திரேலியா வெற்றி வாகை சூடியது. இதனால் அடுத்தடுத்த போட்டிகளில் வெற்றி பெறவேண்டிய கட்டாயத்திற்கு  இங்கிலாந்து அணி தள்ளப்பட்டுள்ளது.

இந்நிலையில் ஆஷஸ் டெஸ்ட் தொடரின்  மூன்றாவது போட்டி நேற்று லீட்சில் உள்ள ஹெட்டிங்லேயில் தொடங்கியது. டாஸ் வென்ற இங்கிலாந்து அணி பந்துவீச்சை தேர்வு செய்தது. அதன்படி, ஆஸ்திரேலியா அணி முதலில் பேட்டிங் செய்தது. அந்த அணியில் தொடக்க வீரர்களாக டேவிட் வார்னர், கவாஜா களமிறங்கினர். டேவிட் வார்னர் 4 ரன்னில் ஆட்டமிழந்தார். கவாஜா 13 ரன்னில் அவுட் ஆனார்.

அடுத்து வந்த லபுசென் 21 ரன்னிலும், ஸ்மித் 22 ரன்னிலும் ஆட்டமிழந்தனர். உணவு இடைவேளை வரை ஆஸ்திரேலிய அணி 4 விக்கெட்டுகளை இழந்தது. 5-வது விக்கெட்டுக்கு இணைந்த டிராவிஸ் ஹெட், மிட்செல் மார்ஷ் ஜோடி நிதானமாக ஆடி 155 ரன்களை சேர்த்தது. மார்ஷ் சதமடித்தார். தேநீர் இடைவேளைக்கு பிறகு மிட்செல் மார்ஷ் 118 ரன்னில் வெளியேறினார்.

அவரை தொடர்ந்து டிராவிஸ் ஹெட் 39 ரன்னில் அவுட்டானார். அடுத்து வந்த வீரர்கள் விரைவில் ஆட்டமிழந்தனர். இறுதியில், ஆஸ்திரேலியா அணி முதல் இன்னிங்சில் 263 ரன்களுக்கு ஆல் அவுட்டானது. இங்கிலாந்து தரப்பில் மார்க் வுட் 5 விக்கெட்டும், கிறிஸ் வோக்ஸ் 3 விக்கெட்டும், பிராட் 2 விக்கெட்டும் வீழ்த்தினர்.

19 ஓவர்கள் வீசப்பட்ட நிலையில் முதல் நாள் ஆட்டநேர முடிவில் இங்கிலாந்து அணி 3 விக்கெட்டுகள் இழப்புக்கு 68 ரன்கள் எடுத்துள்ளது. அந்த அணி 195 ரன்கள் பின்தங்கியுள்ளது. ஜோ ரூட் 19 ரன்னுடனும் ஜானி பேர்ஸ்டோவ் 1 ரன்னுடனும் களத்தில் உள்ளனர். இந்த நிலையில் இன்று இரண்டாம் நாள் ஆட்டம் நடைபெற உள்ளது.