மும்பை இந்தியன்ஸ் vs சென்னை சூப்பர் கிங்ஸ் இடையிலான போட்டி குறித்த முழு விவரங்கள்..!! | mi vs csk 2023 preview

ஐபிஎல் அரங்கில் 12 வது லீக் போட்டியில் தொடரின் முன்னணி அணிகளாக விளங்கும் மும்பை இந்தியன்ஸ் மற்றும் சென்னை சூப்பர் கிங்ஸ் அணிகள் விளையாட உள்ளார்கள். இந்த மிரட்டல் போட்டிக்கான பிளேயிங் லெவன், வெற்றி கணிப்பு, பிட்ச் அறிக்கை உள்ளிட்ட முக்கிய விவரங்களை காண்போம்.   

ஐபிஎல் 2023 தொடரில் போட்டிகள் மிகவும் பரபரப்பாக நடைபெற்று கொண்டிருக்கும் தருணத்தில், இந்த தொடரை அடுத்த கட்டத்திற்கு கொண்டு செல்லும் வகையில் முக்கிய சம்பவம் அரங்கேற உள்ளது. ஐபிஎல் தொடரில் அதிக முறை சாம்பியன் பட்டம் வென்று முக்கிய அணிகளாக உள்ள மும்பை மற்றும் சென்னை அணிகள் பலப்பரீட்சை மேற்கொள்ள உள்ளார்கள். 

ஐபிஎல் தொடரில் மும்பை இந்தியன்ஸ் மற்றும் சென்னை சூப்பர் கிங்ஸ் அணிகள் மோதும் போட்டியை காண தனி ரசிகர்கள் பட்டாளம் உள்ளது என்று கூறினால் மிகையில்லை.இந்த அளவிற்கு இரு அணிகளுக்கு இடையில் பல தருணங்களில் அதிரடியான போட்டி நடைபெற்றுள்ளன. 

போட்டி குறித்த விவரம் :

12 வது லீக் போட்டி : மும்பை இந்தியன்ஸ் vs சென்னை சூப்பர் கிங்ஸ் 

நேரம் & நாள் : 7:30 p.m & சனிக்கிழமை 

தேதி : 8 ஏப்ரல் 2023

மைதானம் : வான்கடே மைதானம், மும்பை.

ஒளிபரப்பு தளம் : ஸ்டார் ஸ்போர்ட்ஸ் நெட்வொர்க் & ஜியோ சினிமா.

பிட்ச் அறிக்கை : 

மும்பை இந்தியன்ஸ் அணியின் ஹோம் கிரவுண்ட் ஆக விளங்கும்  வான்கடே மைதானம் மிரட்டல் பேட்டிங்கை வெளிப்படுத்த பேட்ஸ்மேன்களுக்கு மிகவும் உதவும் என்று தெரிய வந்துள்ளது. இந்த பிட்சில் கட்டாயம் இரு அணிகள் சார்பில் அதிரடி பேட்டிங் வெளிப்படும் என்று எதிர்ப்பார்க்கப்படுகிறது. 

அதே சமயத்தில் இந்த பிட்ச்  வேகப்பந்து பவுலர்களுக்கு சற்று உதவும் தன்மை கொண்டதாகவும் உள்ளது என்று தெரிய வருகிறது, குறிப்பாக இந்த மைதானத்தில் டாஸ் வெல்லும் அணி சேஸிங் தேர்வு செய்தால் வெற்றிக்கான வாய்ப்பு அதிகமாக உள்ளது என்பது குறிப்பிடத்தக்கது.  

வெற்றி கணிப்பு : 

ஐபிஎல் தொடரில் அனைவரின் கவனத்தையும் ஈர்க்கும் போட்டியாக எப்பொழுதும் மும்பை மற்றும் சென்னை அணிகள் மோதும் போட்டி இருக்கும் என்று கூறினால் மிகையில்லை. இதுவரை ஐபிஎல் 2023 தொடரில் மும்பை இந்தியன்ஸ் அணி விளையாடிய ஒரு போட்டியில் தோல்வியை தழுவி உள்ளது, அதே சமயத்தில் சென்னை சூப்பர் கிங்ஸ் அணி விளையாடிய 2 போட்டிகளில் 1 வெற்றி மற்றும் 1 தோல்வியை பெற்றுள்ளது.

இந்நிலையில் முன்னணி அணிகளாக விளங்கும் மும்பை மற்றும் சென்னை ஐபிஎல் 2023 ஆம் அரங்கில் மோத உள்ள முதல் போட்டியில் முழுவீச்சில் செயல்பட்டு கட்டாயம் வெற்றியை பதிவு செய்து தங்கள் நிலையை நிரூபிக்க முயற்சிப்பார்கள் என்பதால் இரு அணிகளுக்கும் வெற்றிக்கான வாய்ப்பு சம அளவில் உள்ளது என்பது குறிப்பிடத்தக்கது.   

ட்ரீம் லெவன் டீம் கணிப்பு  : 

கேப்டன் -  ருதுராஜ் கெய்க்வாட்

துணை கேப்டன் - திலக் வர்மா

விக்கெட் கீப்பர் - எம் எஸ் தோனி

பேட்ஸ்மேன்  – டெவோன் கான்வே,சூர்யகுமார் யாதவ், ரோகித் சர்மா 

ஆல்ரவுண்டர்கள் - மொயீன் அலி, கேமரூன் கிரீன் 

பந்துவீச்சாளர்கள் - ஜோஃப்ரா ஆர்ச்சர், தீபக் சாஹர், பியூஷ் சாவ்லா.

மும்பை இந்தியன்ஸ் பிளேயிங் லெவன் (தோராயமான) : ரோஹித் சர்மா (கேப்டன்), இஷான் கிஷன் (வி.கீ), சூர்யகுமார் யாதவ், திலக் வர்மா, கேமரூன் கிரீன், டிம் டேவிட், நிஹால் வதேரா, ஹிருத்திக் ஷோக்கீன், பியூஷ் சாவ்லா, ஜோஃப்ரா ஆர்ச்சர், அர்ஷத் கான்/ரிலே மெரிடித்.

சென்னை சூப்பர் கிங்ஸ் பிளேயிங் லெவன் (தோராயமான) : டெவோன் கான்வே, ருதுராஜ் கெய்க்வாட், மொயீன் அலி, பென் ஸ்டோக்ஸ், அம்பதி ராயுடு, ரவீந்திர ஜடேஜா, எம் எஸ் தோனி(கேப்டன்), ஷிவம் துபே, மிட்செல் சான்ட்னர், தீபக் சாஹர், ஆர்எஸ் ஹங்கர் கேகர்.