Representative Image.
Share
IND vs BAN 2nd Test : இந்திய அணி எடுக்கும் முடிவுகள், அணித் தேர்வாக இருந்தாலும் சரி, அல்லது ஒரு குறிப்பிட்ட ஆட்டத்தில் விளையாடும் லெவன் அணியாக இருந்தாலும் சரி, தொடர்ந்து மிகப்பெரிய விமர்சனத்திற்கு உள்ளாகி வருகின்றன.
அந்த வகையில், டீம் இந்தியா தற்போது பங்களாதேஷில் இரண்டு போட்டிகள் கொண்ட டெஸ்ட் தொடரில் விளையாடி வரும் நிலையில், இரண்டாவது டெஸ்ட் போட்டியில் இன்றைய பிளேயிங் 11 தேர்வுக்கு பிறகு, இந்திய அணியை விமர்சிக்க ரசிகர்களுக்கு மற்றொரு வாய்ப்பு கிடைத்துள்ளது.
இரண்டாவது ஆட்டத்தின் டாஸில், ஸ்டாண்ட்-இன் கேப்டன் கே.எல். ராகுல், ஜெய்தேவ் உனத்கட்டை பிளேயிங் 11'இல் சேர்த்து குல்தீப் யாதவை வெளியே பெஞ்சில் உட்கார வைத்துவிட்டார். முதல் டெஸ்டில் அவர் ஐந்து விக்கெட்டுக்கள் உட்பட எட்டு விக்கெட்டுகளை வீழ்த்தி, இந்தியாவுக்கு வெற்றியைக் கொடுத்தார்.
இதன் மூலம் ஆட்ட நாயகன் விருதையும் வென்றார் எனும் நிலையில், குல்தீப்பை விலக்கியது அதிர்ச்சியை ஏற்படுத்தியுள்ளது.
குல்தீப் யாதவ் முதல் ஆட்டத்தில் தனது சிறந்த ஆட்டத்தை வெளிப்படுத்தினார். அதில் அவர் முதல் இன்னிங்ஸில் ஐந்து விக்கெட்டுகளை எடுத்தார். மேலும் மூன்று விக்கெட்டுகளை எடுத்து இரண்டாவது இன்னிங்ஸுக்கு வேகத்தை கொண்டு சென்றார்.
பங்களாதேஷின் ஆடுகளம் சுழற்பந்து வீச்சாளர்களுக்கு ஆதரவாக உள்ளது. மேலும் சிறந்த பார்மில் உள்ள சுழற்பந்து வீச்சாளரான குல்தீப்புக்கு ஓய்வு அளித்து அவருக்குப் பதிலாக வேகப்பந்து வீச்சாளரான உனத்கட்டை சேர்த்த முடிவு ரசிகர்களை எரிச்சலடையச் செய்தது.
இந்த மாத தொடக்கத்தில் நடந்த விஜய் ஹசாரே டிராபியில் சவுராஷ்டிராவை சாம்பியன் பட்டம் வென்ற உனத்கட், இன்றுவரை ஒரே ஒரு டெஸ்டில் மட்டுமே விளையாடியுள்ளார். இந்தியா மற்றும் பங்களாதேஷ் அணிகளுக்கு இடையிலான இரண்டாவது டெஸ்ட், அவரது இரண்டாவது சர்வதேச டெஸ்ட் போட்டியாகும். இரண்டு ஆட்டங்களுக்கு இடையில் 118 ஆட்டங்களைத் தவறவிட்ட இந்திய வீரர் என்ற பெருமையை அவர் பெற்றார்.
உனத்கட் டிசம்பர் 2010 இல் தென்னாப்பிரிக்காவிற்கு எதிராக செஞ்சூரியனில் தனது டெஸ்டில் அறிமுகமானார். மேலும் அதன் பிறகு தற்போது 12 ஆண்டுகளுக்குப் பிறகு சர்வதேச டெஸ்ட் போட்டியில் விளையாடுகிறார். 2005 முதல் 2016 வரை 142 போட்டிகளில் விளையாடி அவுட்டாகியிருந்த இங்கிலாந்தின் கரேத் பாட்டி, இரண்டு போட்டிகளுக்கு இடையில் உனட்கட்டை விட அதிக டெஸ்ட் போட்டிகளைத் தவறவிட்ட ஒரே வீரர் என்பது குறிப்பிடத்தக்கது.
அக்சர் படேல், ரவிச்சந்திரன் அஷ்வின், உமேஷ் யாதவ், முகமது சிராஜ் மற்றும் உனத்கட் என இரண்டு சுழற்பந்து வீச்சாளர்கள் மற்றும் மூன்று வேகப்பந்து வீச்சாளர்களுடன் இந்திய அணி இன்று களமிறங்கியுள்ளது.
